"Anonymous - Alliterative Morte Arthure, The" - читать интересную книгу автора (Anonymous)

439: I sall hym sekyrly ensure, vndyre my seele ryche,
440: To seege юe cetee of Rome wythin seuen wyntyre,
441: And that so sekerly ensege apon sere halfes,
442: That many a senatour sall syghe for sake of me one!
443: My sommons er certified, and thow arte full seruyde
444: Of cundit and credense, kayre the lykes;
445: I sall thi journaye engyste, enjoyne them my seluen,
446: Fro this place to юe porte, there юou sall passe ouer;
447: Seuen dayes to Sandewyche I sette at the large,
448: Sexty myle on a daye, юe somme es bott lyttill.
449: Thowe moste spede at the spurs and spare noghte thi fole;
450: Thow weyndez by Watlyng Strette and by no waye ells;
451: Thare thow nyghes on nyghte nedez moste юou lenge:
452: Be it foreste or felde, found юou no forthire;
453: Bynde thy blonke by a buske with thy brydill euen,
454: Lugge юi selfe vndyre lynde, as юe leefe thynkes;
455: There awes none alyenes to ayer appon nyghttys,
456: With syche a rebawdous rowtte to ryot thy seluen.
457: Thy lycence es lemete in presence of lordys;
458: Be now lathe or lette, ryghte as юe thynkes,
459: For bothe юi lyffe and thi lym lygges юerappon,
460: Юofe Sir Lucius had laide юe lordchipe of Rome;
461: For юe юow founden a fute withowte юe flode merkes,
462: Aftyr юe aughtende day, when vndroun es rungen,
463: Юou sall be heuedede in hye and with horsse drawen,
464: And seyn heyly be hangede, houndes to gnawen!
465: The rente ne rede golde юat vnto Rome langes
466: Sall noghte redily, renke, raunson thyn one!"
467: "Sir," sais юe Senatour, "so Crist mot me helpe,
468: Might I with wirchip wyn awaye ones,
469: I sulde neuer fore emperour юat on erthe lenges,
470: Efte vnto Arthure ayere on syche nedys;
471: Bot I am sengilly here, with sex sum of knyghtes;
472: I beseke 3ow, Sir, that we may sounde passe:
473: In any vnlawefull lede lette vs by юe waye,
474: Within thy lycence, lorde, thy loosse es enpeyrede."
475: "Care noghte," quod the Kyng; "thy coundyte es knawen
476: Fro Carlele to юe coste, there thy cogge lengges;
477: Юoghe thy cofers ware full, cramede with syluer,
478: Thow myghte be sekyre of my sele sexty myle forthire."
479: They enclined to юe Kyng, and counge юay askede,
480: Cayers owtt of Carelele, catchez on theire horsez;
481: Sir Cadore юe curtayes kende them the wayes,
482: To Catrike юem cunvayede and to Crist юem bekennyde.
483: So юey spede at юe spoures, юey sprangen юeire horses,
484: Hyres юem hakenayes hastyly юereaftyre;
485: So fore reddour юey reden and risted them neuer,
486: Bot 3if they luggede vndire lynd whills юem lyghte failede;
487: Bot euere юe Senatour forsothe soghte at юe gayneste.
488: By юe sevend day was gone юe cetee юai rechide;