"Anonymous - Alliterative Morte Arthure, The" - читать интересную книгу автора (Anonymous)

945: Two fyrez fyndez, flawmande full hye;
946: The fourtedele a furlang betwene юus he walkes;
947: The waye by юe welle strandez he wandyrde hym one,
948: To wette of юe warlawe, whare юat he lengez.
949: He ferkez to юe fyrste fyre, and euen there he fyndez
950: A wery wafull wedowe, wryngande hire handez,
951: And gretande on a graue grysely teres;
952: Now merkyde on molde sen myddaye it semede.
953: He salu3ede юat sorowfull with sittande wordez,
954: And fraynez aftyre the fende fairely thereaftyre.
955: Thane this wafull wyfe vnwynly hym gretez,
956: Couerd vp on hire kneess and clappyde hire handez;
957: Said "Carefull careman, thow carpez to lowde;
958: May 3one warlawe wyt, he worows vs all!
959: Weryd worthe юe wyghte ay that юe thy wytt refede,
960: That mase the to wayfe here in юise wylde lakes.

---------------------------------------------------------
-67-

961: I warne юe fore wyrchipe юou wylnez aftyr sorowe;
962: Whedyre buskes юow, berne? Vnblysside юow semes.
963: Wenez thow to britten hym with thy brande ryche?
964: Ware thow wyghttere than Wade or Wawayn owthire,
965: Thow wynnys no wyrchip, I warne the before.
966: Thow saynned the vnsekyrly to seke to юese mountez;
967: Siche sex ware to symple to semble with hym one,
968: For and thow see hym with syghte, the seruez no herte
969: To sayne the sekerly, so semez hym huge!
970: Thow arte frely and faire and in thy fyrste flourez,
971: Bot thow arte fay, be my faythe, and юat me forthynkkys.
972: Ware syche fyfty on a felde or one a faire erthe,
973: The freke walde with hys fyste fell 3ow at ones!
974: Loo, here the duchez dere, todaye was cho takyn,
975: Depe doluen and dede, dyked in moldez;
976: He hade morthirede this mylde be myddaye war rongen,
977: Withowttyn mercy one molde, I not watte it ment.
978: He has forsede hir and fylede, and cho es fay leuede;
979: He slewe hir vnslely and slitt hir to юe nauyll.
980: And here haue I bawmede hir and beryede юeraftyr;
981: For bale of юe botelesse, blythe be I neuer.
982: Of alle юe frendez cho hade, юere folowede none aftyre,
983: Bot I, hir foster modyr of fyftene wynter;
984: To ferke of this farlande, fande sall I neuer,
985: Bot here be founden on felde till I be fay leuede."

The Thornton Ms., Folios 64r-74v (lines 986-1992)

986: Thane answers Sir Arthure to юat alde wyf,
987: "I am comyn fra юe Conquerour, curtaise and gentill,